Accessibility links

шимбә, 10 декабрь 2016, Казан вакыты 04:12

Russiäneñ häm Könbatışnıñ saylaw belgeçläre Vienada Rusiäneñ tänqitläre turında söyläşäçäk


Russiäneñ elekke kommunistik illärdä saylawlarnı küzätügä qarata tänqitläre qarala. Pänceşämbe häm comğa könne üzaçaq bu oçraşunı Yewropa İminlek wä Xezmättäşlek Oyışması ütkärä. Russiä bu oyışmanı Belarustağı, Ukrainadağı häm başqa elekke kommunistik illärdäge saylawlarğa qarata tänqit belderüläre öçen tänqitlägän ide. Rusiä bu oyışmadan saylawlarnı küzätü sistemasın üzgärtüne, saylawlarnıñ ni däräcädä ğädel häm demokratik buluın BDB standardları belän ülçäwne taläp itä. Rusiä saylawlarnı küzätü standardların üzgärtergä rizalaşqançığa qädär bu oyışmanıñ büdjetına kirtä quydı. Oyışmanıñ saylawlarnı küzätü bülege wäkile Urdur Gunnars-dottir oçraşuda qatnaşaçaq Rusiä törkemendä üzäk saylaw komissiäse räise Aleksandr Veşnyakov ta bulaçaq dide.

XS
SM
MD
LG