Accessibility links

җомга, 9 декабрь 2016, Казан вакыты 14:31

Mäskäwdä Gabdullla Tuqay kiçäse uzdı


Gabdulla Tuqaynıñ tuğan köne aldınnan, Mäskäwneñ mädäni üzägendä Gabdulla Tuqaynı iskä alu kiçäse ütte. Anda qatnaşqan küpçelek balalar Roza Xabibullin citäkçelegendäge “Ayqay” törkemenä häm Zämzämiä Säxäbetdinova citäkçegendäge “Şatlıq” törkemenä yörep, tuğan telne dä, öyränälär, cır, biyu ostalıqların da üsterälär. Bu äytep ütelgän ike törkemgä 5 yäştän alıp 12 yäşkä qädär bulğan balalar yöri. Tuqaynı iskä dip atalğan kiçädä alar barı tik Gabdulla Tuqay şiğerlären genä söylädelär häm Gabdulla Tuqay süzlärenä yazılğan cırlar cırladılar. Gabdulla Tuqaynıñ icatına, tormış yulına nigezläp tözelgän programma buyınça kiçäne Säriä Raxmani alıp bardı. Oçraşunı 12 yäşlek Rozaliä Kayumova Gabdulla Tuqaynıñ “Bäyräm bügen” digän şiğere belän başlap cibärde. Annan soñ balalar «Tuğan awılım» cırın başqardılar. Rufiä Sadekovağa äle barı tik 6 ğına yaş. Ul inde Ayqay törkemendä tanılğan cırçı da , matur itep şiğır dä söyli belä. Ul kiçädä Ğabulla Tuqaynıñ “Bezneñ ğailä” şiğeren, ä inde 7 yäşlek Dinana İsmailova “Äyt äle kübäläk” şiğeren söyläde. Şulay uq oçraşuda Gabdulla Tuqaynıñ “Par at”, “Kitap”, “Qitğa”, häm başqa şiğerläre yañğıradı. Äti änilär isemennän uqıtuçılarğa räxmäten äytep Räximä Räxmatullina da çığış yasadı. Bu oçraşuda şulay uq Qazannan kilgän qunaqlar da bar ide. Şularnıñ berse ğalim Räşit Gällämov . Ul doktorlıq dissertatsiäsen yazıp yöri. Mäskäwgä dä şul eşe öçen mäğlümätlär tuplarğa kilgän. Tuğan yağı belän Qazan qunağı Arça rayonınnan, Gabdulla Tuqaynıñ yaqtaşı. Bu oçraşudan soñ Räşit Gällämov balalarnıñ çığışların maqtap, “Tuqaynı Qazanğa kitergän Par atlar belän Qazanğa da kilep çığığız. Mäskäwdä şundıy talantlı balalar üsüe bezne dä şatlandırdı”, dide..Kiçä axrınıda ğädättägeçä tamaşaçılar da balalar belän berlektä ayaq öste torıp ,“Tuğan telne” cırladılar. Näzifä Kärimova “Azatlıq” radiosı Mäskäw.

XS
SM
MD
LG