Accessibility links

якшәмбе, 11 декабрь 2016, Казан вакыты 17:03

Başqortstandağı tatar ğalime Radik Sibağatov Tatarstan bülägen aldı


Başqortstandağı tanılğan tatar ğälime häm cämägät eşleklese Radik Sibäğätov, Tatarstan Prezidentı Mintimer Şäymiev färmanı belän, «Tatarstannıñ atqazanğan fän eşleklese» digän maqtawlı isemgä layıq bulğan ide. Ğömereneñ soñğı 35 yılın Başqortstan däwlät uniwersitetında möğallimlek xezmätenä bağışlağan millättäşebez biredä tatar tele häm ädäbiätı uqıtuçıları äzerläwdä armıy-talmıy eşläde. Tel fäneneñ iñ qatlawlı ölkälärendäge ezlänüläre häm tabışları, açışları belän Başqortstanda häm Tatarstanda ğına tügel, ä bar törki dönyasında ataqlı ğälimgä äwerelde ul. Filoloğiä fännäre doktorı, professor Radik Sibäğätov Başqortstan tatarları mänfägätlären yaqlawğa da küp köçen saldı häm sala. Töp eşennän tış, tatar milli oyışmaları eşçänlegendä dä aqtiv qatnaşuı belän respubliktağı tatar mäsälälären çişü yünäleşendä baytaq igelekle eşlär başqardı Radik äfände. Soñğı yıllarda, Başqortstan Tatar kongressı Başqarma qomitetı räise urınbasarı wazıyfaların başqarğanda, respubliktağı tatarlar xoquqların yaqlap fänni xezmätlär yazıp qına qalmadı, ä yuğarı mönbärlärdän dä yalqınlı çığışları belän möräcägät itte ul. Ayıruça Başqortstanda tatar telenä dä däwlät tele statusın taläp itüdä üz süzen qatğıy äytte Radik ağa häm bu mäsäläne isbatlap, kire qaqqısız dälillär belän nigezläp, ğilmi tikşerenülären dä bäyän itte. Ğomum tatar filoloğiäse fäne üseşenä zur öleş kertkän, Başqortstan tatarları mänfägätlären ezmä-ezlekle yaqlağan Radik Ğäli ulı Sibäğätovqa «Tatarstannıñ atqazanğan fän eşleklese» digän yuğarı isem birelüne respublik tatar cämägätçelege zur quanıç belän qabul itte. Älege büläkneñ bilgelären tanılğan ğälimgä Qazannan Ufağa kilep, Tatarstan Ministrlar Qäbinetınıñ bülek mödire Kim Miñnullin tapşırdı.

XS
SM
MD
LG