İzrail' xökümät ministrı Natan Şaranski premyer ministrı Ariel Şaronnıñ Gazadan çigenü planına protest belderep xökümättän kitä.
Räsmilär äytüençä, bügen Şaranski wazıyfasınnan kitü turında ğariza tapşırğan.
Şaron Şaranskinıñ başqarğan eşenä xuplaw belderde.
AUDİO: Min Natanğa räxmätemne belderergä telim. Kitkän öçen tügel, ägär ul üz rolen başqarunı däwam itsä min şat bulır idem. Min anıñ üze cawaplı bulğan ölkädä başqarğan eşen xuplap räxmät belderäm. Ul dönya däräcäsendä antisemitizmnı beterü öçen ğäcäyep zur eş başqardı dip uylıym.
Elekke sovet dissidentı Şaranski xökümättä portfel'sez ministr bulıp eşlägän ide.
Gazadan çigenügä bäyle räweştä xökümättän elegräk tağın berniçä ministr kitkän yäki Şaron tarafınnan wazıyfasınnan töşerelgän ide.
