Accessibility links

якшәмбе, 4 декабрь 2016, Казан вакыты 19:28

Xoquq häm matbuğat ireklegen yaqlawçı törkemnär dönyadağı wäzğiät turında xisapların iğlan itte


Xalıqara xoquq häm matbuğat ireklegen yaqlaw törkemnäre Könçığış Yewropa, Könbatış häm Üzäk Aziä xökümätlären keşe xoquqların häm matbuğat ireklegen bozunı däwam itüdä ğäyepläde. Parijda urnaşqan Çiklärne tanımawçı xäbärçelär törkeme iğlan itkän xisapta Ğiraq jurnalistlar öçen iñ qurqınıçlı il bulıp qala dielä. Bıltır anda 19 jurnalist üterelgän, 12-dän artıq jurnalist totıq itep alınğan. Älege törkem Rusiä, Belarus, Qazaxstan, Törkmänstan häm Üzbäkstan xökümätläre matbuğat ireklege bozılğan öçen turıdan turı cawaplı dip belderä. Bu törkem İran yaqın könçığışta jurnalistlar öçen iñ zur törmä bulıp qala di. Bıltır anda 13 jurnalist törmägä yabılğan, kimendä 60 jurnalist mäxkamägä yä politsiägä çaqırtılğan. Londonda nigezlängän xoquq yaqlaw oyışması Amnesty İnternational bügen Yewropadağı häm Üzäk Aziädäge qayber xökümätlärneñ xoquq bozuın tänqitläwçe belderü iğlan itte. Bu belderüdä Rusiä, Belarus, Törkiä häm Törmänstan üz xoquqların tınıç yul belän yaqlawçı keşelärgä qarşı çaralar kürüçe iñ yaman illär rätenä kertelgän.

XS
SM
MD
LG