Accessibility links

шимбә, 10 декабрь 2016, Казан вакыты 13:49

Haag mäxkamäseneñ baş prokurorı Carla del Ponte Bosniägä kilde


Suğış cinayätlären tikşerüçe BMO mäxkamäseneñ baş prokurorı Carla del Ponte Balkan säfären däwam itep bügen Bosniägä kilde. Biredä ul 1992-nçe 95-nçe yıllardağı suğışqa noqta quyğan Deyton kileşüe nigezendä Bosniädäge xalıqara idaräne citäkläwçe Paddy Ashdown belän oçraştı. Oçraşudan soñ jurnalistlar aldında çığış bulır dip kötelgän ide, ämma ul bulmadı häm bernindi dä añlatma birelmäde. Älege säfär barışında ul kiçä Serbiä häm Çernogoriädä häm Xorvatiädä buldı. Berniçä könnän del Ponte BMO İminlek Şurasına elekke Yugoslaviä respublikalarınıñ mäxkamä belän niçek xezmättäşlek itüe turında xisap biräçäk. Belgradta Serbiä premyer ministrı Vojislav Kostunica Serbiä ber yarımxärbi törkemneñ 8 elekke äğzasın qulğa alırğa färman birde dide. Serbiä şulay uq suğış çorındağı Bosniä serbları armiäse başlığı Ratko Mladiç ber ay eçendä qulğa alınaçaq dip ışandırdı.

XS
SM
MD
LG