Accessibility links

сишәмбе, 6 декабрь 2016, Казан вакыты 08:52

Brüsel'dä Ğiraqqa bağışlanğan konferensiä ütä


Bügen Brüssel'dä 80-nän artıq ilneñ tışqı eşlär ministrları häm başqa räsmilär Dönyanıñ Ğiraqqa teläktäşlegen kürsätü konferensiäsenä cıyıldı. Yewropa Berlegeneñ tışqı säyäsät başlığı Javier Solana bu cıyın Ğiraq turında ozaq waqıt bulmıy torğan xalıqara konsensusnıñ xäzer inde buluın kürsätä dide. Bu cıyında BMO general' sekretare Kofi Annan, AQŞ däwlät sekretare Condoleezza Rice, Ğiraqqa kürşe illärneñ, Sigezlek, NATO häm Ğäräp ligasınıñ wäkilläre dä qatnaşa. Ğiraq premyer ministrı İbrahim Cäğfäri citäkçelegendäge 30 keşelek Ğiraq törkemenä kergän tışqı eşlär ministrı Xöşyär Zebari bu söyläşülär ilneñ yaña konstitutsiäsen häm bıyıl ütäçäk yaña saylawlarnı äzerläwçe Ğiraq xökümätenä yardäm itär dip ömetlänüen äytte.

XS
SM
MD
LG