Accessibility links

сишәмбе, 6 декабрь 2016, Казан вакыты 23:00

Mısır diplomatın totıq itep alğan äl-Qaidä anı üterergä cıyına


Äl-Qaidä terror çeltäreneñ Ğiraq bülege uzğan yäkşämbe kiçendä Bağdadta Ğiraqtağı Mısır ilçesen totıq itep alğanlığın raslaw öçen bügen ul diplomatnıñ tanıqlıqları sürätlären internetqa elde häm anı üteräçägen belderde. İnternet säxifäsendä diplomat İhab eş-Şärifneñ maşina yörtüçe tanıqlığı, tışqı eşlär ministrlığı häm sälamätlek iminiäte tanıqlıqları kürsätelä. Ul dokumentlarda anıñ iseme, däräcäse häm fotosürätläre bar. Kiçä Ğiraqta izge suğış öçen äl-Qaidä oyışması dip atalğan bu törkem Şärifne totıq itep aluın belderde. Moñarçı bu törkem berniçä çit il totığın ütergän ide. Bügen Britaniä tışqı eşlär ministrı Jack Straw Bağdadta diplomatlarğa höcüm itüçelärne ğäyepläp, AQŞ citäkçelegendäge koalitsiä köçläre Ğiraqtan barı tik anda iminlek urnaşqannan soñ ğına kitäçäk dide.

XS
SM
MD
LG