Accessibility links

шимбә, 3 декабрь 2016, Казан вакыты 12:41

Qoş gribı Mongoliädä dä tabıldı


Berläşkän Millätlär Oyışmasınıñ azıq-tölek häm awıl xucalığı idaräse qoş gribı awıruı Mongoliädä dä kilep citte dide. İdaräneñ töbäktäge wäkile Nuretdin Mona Xuvsgül wilayendäge ber kül buyında distälärçä ülgän aqqoş, qaz häm başqa qoşlar tabıldı dide. Soñraq Mongol xakimiätläre ul qoşlarnıñ qoş gribınnan ülgänlegen rasladı. Ämma anda bu awırunıñ qaysı töre buluı bilgesez. 2003-nçe yıldan birle Aziädä qoş gribı säbäple 50-dän artıq keşe ülde. Xäzer bu awıru Seber häm Qazaxstanğa da taraldı. Qazaxstan sälamätlek ministrlığı anda awırunıñ keşelär öçen qurqınıçlı bulğan H5N1 töre buluı açıqlanuın belderde. Bügen Rusiä ğädättän tıñ xällär ministrlığı Rusiädä ülüçe qoşlar sanı arta bara dide. Kiçä bu awırunıñ taraluı kimi dip iğlan itelgän ide.

XS
SM
MD
LG