Accessibility links

җомга, 9 декабрь 2016, Казан вакыты 18:32

İndoneziä xökümäte häm Açeh ğısyançıları tınıçlıq kileşüenä qul quydı


Bügen biredä İndoneziä xökümäte häm Açeh provinsiäse ğısyançıları wäkilläre 3 distä yılğa yaqın suğış häm 15 meñgä yaqın keşeneñ häläk bulğanınnan soñ tarixi tınıçlıq kileşüenä qul quydı. Finlandiä tınıçlıq prosessında aradaşlıq itte. Bügen başqalada qabul itelgän kileşü nigezendä, ğısyançılar qoralsızlanırğa häm provinsiäneñ bäysezlege täläplärennän baş tartırğa tieş. Jakarta üz çiratında, qulğa alınğannarnı irekkä çığarırğa, provinsiädä säyäsi partiälär tözergä, häm yıl azağına qädär töbäktän xökümät köçlären çığarırğa wäğdä itä. İrekle Açeh Xäräkäte wäkile Mälik Mahmud, Açehda ozaq yıllar ğädellek bulmadı, dip belderde:

"Ğädellek ul – xalıqnıñ söyli aluı, anı işetü häm teläklärne qabul itä belü. Ul – süz irege, fiker törlelegen yaqlağan säyäsi sistema tözüne añlata, bu sistemanıñ ber öleşe bulu," dide Mahmud.

26nçe dikaberdä bulğan tsunami tınıçlıq söyläşülären tizlätte. Açeh provinsiäseneñ Sumatra utrawında kimendä 130 meñ keşe häläk bulğan ide.

XS
SM
MD
LG