Accessibility links

шимбә, 10 декабрь 2016, Казан вакыты 10:00

Räximov menän Putin nimä turahında höyläşkän?


Bıl osraşıuźa nindäy mäsälälär qaralğanı älegä tiklem anıq qına bildäle tügel. Räsmi mäğlümät saraları la xäbär kötöp qatıp qalğan. Yaqınsa mäğlümät buyınsa, Mortaza Räximov Respublikağa şişämbe qaytırğa teyeş. Osraşıu il yetäkseheneñ Yañı Ogarevolağı rezidensiahında ütkän. Kiñ mäğlümät saralarına ütep ingän xäbärźärgä qarağanda, Mortaza Räximov Vladimir Putindı Başqortostandıñ Räsäygä üź irke menän quşılıuına 450 yıl tulıuźı ütkärew turahındağı ukazdıñ ütäleşe menän yentekläp tanıştırğan. Mortaza Räximov dokumenttı ütäw yähätenän xökümät komissiahı töźölöü xaqında la äytkän. Osraşıuźa şulay uq respublikanıñ iqtisadi üseş mäsäläläre xaqında la höyläşew bulğan. Mortaza Räximov Başqortostandıñ iqtisadi kürhätkestäre, şul isäptän awıl xujalığında üseş bıltırğınan köm bulmayasaq tip beldergän. Älegä bına şular.

Şulay źa qayhı ber mäğlümättär buyınsa Vladimir Putindıñ Mortaza Räximovqa bik uñayhıź horawźar birgän bulıuı la ixtimal. Ular Başqortostan neft kompleksınıñ artabanğı yaźmışına bäyle. İnde xäbär itelewensä, neft tarmağındağı 7 şirqätteñ qimmätle qağıźźarı 503 million dollarğa "Sistema" kompaniahına hatılğaynı. Belgestär belderewensä, aksialarźıñ ısın xaqı sama menän million dollarğa yuğarı. Ämmä ular ni säbäptänder arzanğa hatılğan. Barlıq şirqättärźeñ dä aksialarınıñ kontrol paketı Mortaza Räximovtıñ ulı Ural Räximovtıñ qaramağında ine. Ural Räximov ular menän yawaplılığı siklängän "Başqort käpitalı" şirqäte aşa idara itkän. Bıl kileşewgä qarata täwge reaksia la bar. Rodina partiahınıñ töbäk büleksähe räyese Aleksandr Kozlov äytewensä, büleksä äle "Sistema" kompaniahı eşmäkärlege menän tanışa, unıñ ni säbäple aksialarźı arzan xaqqa alıuı menän qıźıqhına. Aleksandr Kozlov belderewensä, başqort neft kompleksına qarata asıq horawźar bik küp. Töp horaw - respublika yağıulıq-enegetika kompleksı aksiaları ni ösön däwlätkä tapşırılmağan. Respublika yetäkselege ni ösön üź wäğäźähen ütämägän. Neft sığarıusı, neft eşkärtewse tarmaqtarźa däwlät yağınan qatı kontrol bulırğa teyeş, tip isäpläy Aleksandr Kozlov. Şul uq waqıtta Rodina wäkile möhim tarmaqtarźa şäxsi kapital qatnaşıuın da inqar itmäy. "Sistema" tülägän aqsalar iskergän qorolmalarźı yañırtıuğa totonolha yaray źa, tigän Aleksandr Kozlov. Başqalar aksialarźıñ "Sistema"ğa hatılıuın bik yabay añlata. Yeltsin menän qanunhıź kileşew töźölgändän huñ Başqortostanda federal milekte üźläşterew başlandı. Xäźer urlanğandı qanunlı mileksegä kire qaytarmaw ösön unı hatıu bara. Täjribä bar. Uralsib qanunhıź räweştä xosusílaştırılıp Nikoilğa hatıldı. Başqortostanda neft kompleksı yabıq tarmaq. Şuğa la huñğı waqiğälär xaqında nindäyźer añlatma alıu mömkin tügel. Respublika prezidentı Mortaza Räximov neft kompleksı Başqortostan xalqı baylığı tip qabatlap kilä. Ämmä aksialarźıñ hatılğanın xalıqtıñ belmäy qalıuı häm oşo xaqta äle bulha kiñ mäğlümät saralarında xäbär bulmawı küp kenä horawźar tıuźıra. Älegä tiklem respublika yetäkselege, neft kompleksına yaqın torğan çinovniktar "Sistema" menän kileşew turahında äytmäwźe xup kürä.

XS
SM
MD
LG