Accessibility links

җомга, 9 декабрь 2016, Казан вакыты 05:07

İminlek Allağa ışanuğa bäyleme?


Meñ yıllıqnıñ töp tantanaları comğada bula. Monda Bäysez däwlätlär berlegenä kerüçe 12 il prezidentları qatnaşında sammit ütäçäk. Monnan tış, Rusiä Däwlät Şurasınıñ da çirattağı utırışı şul uq könne ütäçäge bilgele. Bu şura eşendä qatnaşır öçen 19 gubernator kiläçäk.

Qunaqlarınıñ küpçelege comğa irtäsendä kilä. BDB illäre häm Rusiä prezidentı da şul isäptän. 12 il prezidentın Qazanda ni kötä soñ. Xalıqara sammit buludan tış, alar yaña açılaçaq Musa Cälil isemendäge opera häm balet teatrnıda klassik konsert ta qarıy alaçaq. Comğa kiçendä. Başta Rusiä häm Tatarstan prezidentları 3 är minutlı qotlaw çığışları belän çığaçaqlar. Konsertnıñ iñ qızığı şunda, anda barı tik tabiği tawış belän genä cırlawçılar çığış yasayaçaq. Yäğni, tawış köçäytkeç, mikrofonnar bulmayaçaq. Şuña kürä, Renat İbrahimov çığış yasawçılar arasınnan töşep qalğan. Tamaşa Albina Şähimuratovanıñ tatarça cırı belän açılaçaq. Bu konsert , qayber säyäsi küzätüçelär süzenä qarağanda, Törekmänstan prezidentı Saparmurat Niazov küñelenä ayıruça xuş kiler dip kötelä. Çönki, ul tabiği tawış belän cırlawnı biklärdä yarata ikän. Äle bu könnärdä genä, üz ilendä ul tuylar, bäyrämnär waqıtında fonogrammalar qullanıp cırlawnı tıyu turında Färman çığarğan ikän. Menä, Sammit konsertınıñ qayber serläre şular. Ä inde Piramida küñel açu üzägendä Putin isemennän 400 keşe mäcleskä çaqırulı. Alar araında däwlät şuası utırışına kilgän gubernatorlar da. Alarnıñ käyefen kemnär kürä disägez, qayber mäğlümatlar bar. Aygöl Säğinbayıwa, Qazan yegetläre törkemnäre alar qarşında çığış yasayaçaq.

Ä bu Sammitka kilüçe qunaqlarnı qarşılawda iminlek çaraları bik qatı totıla. Xäyer, inde bu meñ yıllıq tantanaları waqıtında, bolay da iminlek xezmäte bar köçenä eşli. Mäsälän, ütkän ber täwlek eçendä genä dä 1132 maşina xucası qağidälär bozuda ğäyeplängän. Monnan tış, 339 cäyäwlegä dä ştraf salınğan. Uram aşa döres çıqmağan eçen. Ä menä, qayber qazanlılarnıñ öylärenä kerep soraştırular da ütkärälär ikän. Azatlıq radiosına Milli Şura räise Räşit Yäğfärov menä närsälär söyläde.

Bezneñ öygä kilep kerdelär dä, minnän sorıylar, sez möselmanmı, mäçetkä yörisezme dip

Bu Milli Şura räise Räşit Yäğfärov buldı. Mondıy xällär tağı da bulğan. Mäsälän, Qazan yegete, isemen atamawnı sorap, närsälär belderde

Minem kürşelärgä kilep, min öydä bulmağanda, mine sorıylar. Qaya ul, nişläp yöri dip. Miña üzemä dä yış kilälär. Sorıylar, qaya bulma meñ yıllıq könnärendä, mäçetkä yörimme, namaz uqıymmı, yä bulmasa, allağa ışanammı dip tä sorıylar

Älege yegetneñ, qayçandır ber piketta qatnaşqan eçen nindider maxsus isemlekkä kertep quyğannar ikän. Säbäben ul üze şulay añlattı. Ä Tatarstan Eçke eşlär ministrlığınıñ matbuğat xezmätkäre Älfiä Safina, bu ğämällär mondıy uq şartlarda bulmadı dip bara.

İyün ayında, Qazanğa Tatarstannıñ barlıq rayonnarınnan da uçastok militsionerları çaqırıp kiterelde. Alar , Sammitqa kilüçe citäkçelär ütäçäk uramnardağı yortlarnı tikşerep yördelär. Monıñ maqsatı, tantanalar waqıtında xalıqnıñ Qazanda küpme bulaçağın belü ide. Alarnıñ maqsatı kemneder qıyırsıtu, mısqıl itü, cäzağa tartu tügel ide. Alar cämäğät tärtiben saqlaw öçen tırışalar

Räfis Cämdixan

XS
SM
MD
LG