Accessibility links

шимбә, 3 декабрь 2016, Казан вакыты 18:47

Quray radiosı tuğan könen bilgeli


Qazanda eşläp kilüçe Quray radiosı bu könnärdä üzeneñ tuğan könen bilgeli. İñ berençelärdän bulıp tatar telendä FM yışlığında eşli başlağan Quray bügen nilär belän yäşi, ul niçek başlanıp kitkän… Bu xaqta bez Qurayda eşläwçe, Oçraşu häm Din wäğäze programmaların alıp baruçı Säriä Tuqaeva belän söyläşäbez.

Bezneñ radio 1996 yılda, Tatarstannan radiosınnan qala iñ berençe tatar radiosı bulıp eşli başlağan ide. Anı başlap cibärüçelär – bezneñ iñ berençe direktorıbız Marat Sälimullin häm general’ direktor Vyaçeslav Dolgopolov. Bezneñ tıñlawçılarıbız küp, alar bezne yaratıp tıñlıylar, kötep alalar. Bezdä 4 alıp baruçı eşli – Ğäbderäxim, Miläwşä, min - Säriä Tuqaeva häm yäş alıp baruçı – İslam. Ğomumän, bezdä üz eşen, üz xalqın yaratıp eşläwçelär genä xezmät itä. Täwlek buyına bez tıñlawçılarğa qızıqlı tapşırular, tatar xalqınıñ matur cırların, yañalıqlar täqdim itäbez

Üzeneñ tuğan köne uñayınnan Quray radiosı bäyräm dä oyıştırğan. Bäyräm UNİKS konsertlar zalında şimbä, 8 oktäber könne, kiçke säğät 5tä uzaçaq. Anda tatar estradası yoldızları qatnaşır, dip kötelä. Şulay itep, Quray radiosı tuğan könen bilgeläp ütä häm üzeneñ tıñlawçıların da şuşı uñaydan uzaçaq bäyrämgä çaqırıp qala.

Gölnaz İlgizär

XS
SM
MD
LG