Comğa könne Başqortstanğa Sarıtaw ölkäsennän zur ğına wäkillek qunaqqa kilep töşte. Älege wäkillekkä Sarıtaw ölkäse Başqortları qorıltayı äğzaları häm andağı başqort millätle mädäniät xezmätkärläre, şulay uq eşquarlar da kerä. Wäkillekkä Sarıtaw ölkäse gubernatorı kiñäşçese, Başqortstannıñ Sarıtaw ölkäsendäge daimi wäkilçelege citäkçese häm ber ük waqıtta ölkä Başqortları qorıltayı şurası räise wazıyfaların başqaruçı Kamil Äbläzov citäkçelek itä.
Ufağa kilep citkäç tä, qunaqlarnı Başqortstan Mädäniät häm milli säyäsät ministrlığında qabul ittelär. Andağı oçraşuda Başqortstan Xökümäte qarşındağı Matbuğat idäräse citäkçeläre dä qatnaştı. Ä soñraq Sarıtaw ölkäse Başqortları qorıltayı wäkilläre Başqortstannıñ Tışqı iqtisadıy bäyläneşlär häm säwdä ministrlığına kilde häm andağı kiñäytelgän utırışta qatnaştı. Sarıtawdan kilgän eşlekle dairälär belän bulğan söyläşülärdä, nigezdä, ike töbäk arasındağı üzara iqtisadıy xezmättäşlekne kiñäytü mäs`äläläre tikşerelde.
Sarıtaw ölkäse wäkillegeneñ Başqortstanğa säfäre şimbä könne dä däwam itäçäk. Sarıtaw başqortlarınıñ Başqortstandağı könnäre qısalarında bu könne, nigezdä, qunaqlar öçen Ufanıñ istälekle urınnarı buylap häm muzeylarğa säyäxätlär oyıştıru, şulay uq başqa mädäni çaralar qaralğan. Kiçen Yäşlär milli teatrında qunaqlarğa zur bäyräm konsertı kürsätelä.
Sarıtaw ölkäsendä bügenge köndä, räsmi mäğlümatlarğa qarağanda, cämğısı 4 meñ çaması başqort yäşi. Alarnıñ zur küpçelege Perelyub häm Pugaçev rayonnarında tuplanğan. Soñğı berniçä yılda Sarıtaw ölkäse başqortları üzläreneñ milli oyışmaları eşçänlegen şaqtıy canlandırdı. Bu eştä alarğa Kamil Äbläzov kebek bay eşquarlar da matdi yärdäm kürsätä. Näq menä Kamil äfändene 2002 yılda ütkän zur cıyında Sarıtaw ölkäse Başqortları qorıltayı räise itep saylağannar ide. Ä uzğan yılda anı Başqortstannıñ Sarıtawdağı daimi wäkile itep tä täğäyenlädelär. İqtisat belgeçläre raslawınça, Kamil Äbläzovnıñ eşquar bularaq, Başqortstanda üz mänfägat''läre dä bar, bilgele. İke yıl elek anıñ “Narat” isemle quätle şirkäte Başqortstannıñ Urman sänäğäte şirkätlären qulğa töşergän ide. Bu alış-bireş Başqortstan citäkçelege fatıyxası belän başqarılsa da, soñraq älege eş küp bäxäslär uyattı. Näticädä, arbitraj mäxkämälär tikşerüennän soñ, Başqortstan urman xucalığı şirkätläre kire respublikadağı başqa xucalarğa qaytarıldı. Şulay da bu xäl Başqortstan citäkçelege belän Kamil Äbläzovnıñ mönäsäbätläre bozıluğa kitermägän kebek kürenä. Äle Ufadağı wäkillekkä anıñ üzeneñ citäkçelek itüe dä şunı söyli bulsa kiräk.
Ufağa kilep citkäç tä, qunaqlarnı Başqortstan Mädäniät häm milli säyäsät ministrlığında qabul ittelär. Andağı oçraşuda Başqortstan Xökümäte qarşındağı Matbuğat idäräse citäkçeläre dä qatnaştı. Ä soñraq Sarıtaw ölkäse Başqortları qorıltayı wäkilläre Başqortstannıñ Tışqı iqtisadıy bäyläneşlär häm säwdä ministrlığına kilde häm andağı kiñäytelgän utırışta qatnaştı. Sarıtawdan kilgän eşlekle dairälär belän bulğan söyläşülärdä, nigezdä, ike töbäk arasındağı üzara iqtisadıy xezmättäşlekne kiñäytü mäs`äläläre tikşerelde.
Sarıtaw ölkäse wäkillegeneñ Başqortstanğa säfäre şimbä könne dä däwam itäçäk. Sarıtaw başqortlarınıñ Başqortstandağı könnäre qısalarında bu könne, nigezdä, qunaqlar öçen Ufanıñ istälekle urınnarı buylap häm muzeylarğa säyäxätlär oyıştıru, şulay uq başqa mädäni çaralar qaralğan. Kiçen Yäşlär milli teatrında qunaqlarğa zur bäyräm konsertı kürsätelä.
Sarıtaw ölkäsendä bügenge köndä, räsmi mäğlümatlarğa qarağanda, cämğısı 4 meñ çaması başqort yäşi. Alarnıñ zur küpçelege Perelyub häm Pugaçev rayonnarında tuplanğan. Soñğı berniçä yılda Sarıtaw ölkäse başqortları üzläreneñ milli oyışmaları eşçänlegen şaqtıy canlandırdı. Bu eştä alarğa Kamil Äbläzov kebek bay eşquarlar da matdi yärdäm kürsätä. Näq menä Kamil äfändene 2002 yılda ütkän zur cıyında Sarıtaw ölkäse Başqortları qorıltayı räise itep saylağannar ide. Ä uzğan yılda anı Başqortstannıñ Sarıtawdağı daimi wäkile itep tä täğäyenlädelär. İqtisat belgeçläre raslawınça, Kamil Äbläzovnıñ eşquar bularaq, Başqortstanda üz mänfägat''läre dä bar, bilgele. İke yıl elek anıñ “Narat” isemle quätle şirkäte Başqortstannıñ Urman sänäğäte şirkätlären qulğa töşergän ide. Bu alış-bireş Başqortstan citäkçelege fatıyxası belän başqarılsa da, soñraq älege eş küp bäxäslär uyattı. Näticädä, arbitraj mäxkämälär tikşerüennän soñ, Başqortstan urman xucalığı şirkätläre kire respublikadağı başqa xucalarğa qaytarıldı. Şulay da bu xäl Başqortstan citäkçelege belän Kamil Äbläzovnıñ mönäsäbätläre bozıluğa kitermägän kebek kürenä. Äle Ufadağı wäkillekkä anıñ üzeneñ citäkçelek itüe dä şunı söyli bulsa kiräk.
