Индонезиянең Көнбатышында көчле яңгырлар сәбәпле җир юылып иң аз дигәндә 80ләп кеше үлгән. Җава утравындагы берничә район зыян күргән. Аеруча күп үлүчеләр Каранганьяр районында теркәлгән. Барлыгы – 61 кеше. Коткару эшләре дәвам итә. Хәрбиләр һәм полиция зыян күргән районнарга авыр техниканы китерү чараларын күрә. Аларга үз теләкләре белән ярдәм итүчеләр дә кушылган.
Көчле яңгырлар 12 сәгать буе бертауктаусыз яуган. Меңләгән йортларны су баскан.
