Waşiñton – AQŞta däwam itkän kredit problemı säbäple Amerikanıñ iñ zur ipotek banklarınnan bulğan Kaliforniada urnaşqan İndyMac Bankı yabıldı. Federal tärtip idaräseneñ comğa könne borçların tüli almağan öçen banknıñ mölkenä qul quyuınnan soñ, panikkä birelgän aqça kertkän keşelärneñ aqçaların kire alırğa aşığuınnan soñ, bank yabılırğa mäcbur buldı. Räsmilär äytüençä İndyMac Bankı Amerika tarixında yuqqa çıqqan 3 zur bank isemlegendä. İqtisat belgeçläre isä banknıñ yabıluına säbäp bulğan AQŞtağı kredit problemınıñ äle kötelgännän dä ozınraq möddättä däwam itäçägen belderä.
