Jurnalistlarnıñ, “ekonomikanı canlandıru maqsatı belän salımnarnı töşeräçäksezme häm IMF belän kileşü bulaçaqmı?”, digän sorawına premyer cäwap itep:
“Yuq salımnarnı töşirmibez, ämma IMF taläp itkänçä dä kütärmibez”.
Bu xabär isä, Qorban bäyräme aldınnan, baytaq sänäğätçe säwdägärlärneñ käyefen töşerde.
AQŞ räsmi räweştä ekonomik torğınlıqqa kerüen iğlan itkännän soñ, Törkiädä xällär niçek bulaçaq digän soraw da küplärne borçıy başladı.
Xökümät kiläse yılnıñ mart azağına xätle iqtisadi xälneñ törle çaralar belän tağın da naçarayuın telämi. Çönki mart ayı azağında cirle saylawlar bulaçaq. Şuşı saylawlarnıñ näticäse ber ük waqıtta AK partia öçen tawış birüçelärneñ sanın bilgeliaçäk.
Ämma mart azağına xätle äle dürt ay waqıt bar. Ekonomika isä üz şartların üze bilgeli. IMF belän kileşü tözelsä, Törkiäneñ ekonomikası tärtipkä kirer ide digän qaraş östenlek itä. Çönki IMF ber ük waqıtta Törkiägä burıç ta birer ide. Bügenge köndä Törkiä iqtisadın torğızu öçen 30 milliard dollar tiräsendä çit il kreditı kiräk dip isäplänä.
Xökümät IMF belän kileşü tözemäde, iqtisadnı torğızuda başqa yullarnı iğlan itä almadı.
Törkiä çinovnikları ozaqlap yal itä
Dekäbrneñ sigezendä dürt könlek räsmi Qorban bäyräme başlana. Xökümät däwlät xezmätkärlärenä ber kön östämä yal birep, bäyräm yalınıñ tuğız köngä suzıluına mömkinlek tudırdı.
Mäğlüm, bäyräm, yal könnärendä keşe citdi mäsälälär turında ällä ni uylamıy. Şulay itep, xökümät tä un köngä törle şikayätlärdän yıraq qala alaçaq. Östäwenä ütkän ay öçen iğlan itelgän inflasia sannarınıñ kötelgännän tübän buluı da, inflasia töşä digän sıltaw xasil itte.
İqtisatçılarnıñ ber öleşe bu töşeş, xalıqnıñ azraq towar aluı häm satuçılarnıñ bäyälären töşerüenä bäyle di.
İqtisadi xällär şatlanırlıq tügel
“Yeniçağ” gazetasınıñ 4 dekäber sanında, ike keşe burıçların tüli almağaç üz-üzlären atıp ütergän. Üzäk bank mäğlümatlarına qarağanda, uzğan yıl belän çağıştırğanda, bankka burıçların tüli almawçılarnıñ sanı 40 % üsep, 911 meñ keşegä citkän. Şulay uq käsepçelärneñ dä ber-bersenä birep, tülänmägän aqçaları artqan.
Toraq satular tuqtaldı, arendalarnıñ bäyäse töşä başladı. Xalıq ta bäyäläre töşerelgän azıq-tölek ala başladı. Eksportta da citdi kimü sizelä. Ütkän yıl belän çağıştırğanda yäşelçä, ciläk-cimeş, tekstil, tire, automaşina kebek Törkiäneñ töp eksport towarlarınıñ çit il bazarlarına satıluı urtaça 25 % kimegän. Äytergä kiräk, Törkiä kiläse yılda 42 milliard dollarlıq çit ilgä burçın tülärgä tiyeş. Bolar barsı da ekonomik torğınlıqqa iltüe ixtimal, moña bäyle eşsezlär sanı häm xalıqta rizasızlıq artırğa mömkin.
“Yuq salımnarnı töşirmibez, ämma IMF taläp itkänçä dä kütärmibez”.
Bu xabär isä, Qorban bäyräme aldınnan, baytaq sänäğätçe säwdägärlärneñ käyefen töşerde.
AQŞ räsmi räweştä ekonomik torğınlıqqa kerüen iğlan itkännän soñ, Törkiädä xällär niçek bulaçaq digän soraw da küplärne borçıy başladı.
Xökümät kiläse yılnıñ mart azağına xätle iqtisadi xälneñ törle çaralar belän tağın da naçarayuın telämi. Çönki mart ayı azağında cirle saylawlar bulaçaq. Şuşı saylawlarnıñ näticäse ber ük waqıtta AK partia öçen tawış birüçelärneñ sanın bilgeliaçäk.
Ämma mart azağına xätle äle dürt ay waqıt bar. Ekonomika isä üz şartların üze bilgeli. IMF belän kileşü tözelsä, Törkiäneñ ekonomikası tärtipkä kirer ide digän qaraş östenlek itä. Çönki IMF ber ük waqıtta Törkiägä burıç ta birer ide. Bügenge köndä Törkiä iqtisadın torğızu öçen 30 milliard dollar tiräsendä çit il kreditı kiräk dip isäplänä.
Xökümät IMF belän kileşü tözemäde, iqtisadnı torğızuda başqa yullarnı iğlan itä almadı.
Törkiä çinovnikları ozaqlap yal itä
Dekäbrneñ sigezendä dürt könlek räsmi Qorban bäyräme başlana. Xökümät däwlät xezmätkärlärenä ber kön östämä yal birep, bäyräm yalınıñ tuğız köngä suzıluına mömkinlek tudırdı.
Mäğlüm, bäyräm, yal könnärendä keşe citdi mäsälälär turında ällä ni uylamıy. Şulay itep, xökümät tä un köngä törle şikayätlärdän yıraq qala alaçaq. Östäwenä ütkän ay öçen iğlan itelgän inflasia sannarınıñ kötelgännän tübän buluı da, inflasia töşä digän sıltaw xasil itte.
İqtisatçılarnıñ ber öleşe bu töşeş, xalıqnıñ azraq towar aluı häm satuçılarnıñ bäyälären töşerüenä bäyle di.
“Yeniçağ” gazetasınıñ 4 dekäber sanında, ike keşe burıçların tüli almağaç üz-üzlären atıp ütergän. Üzäk bank mäğlümatlarına qarağanda, uzğan yıl belän çağıştırğanda, bankka burıçların tüli almawçılarnıñ sanı 40 % üsep, 911 meñ keşegä citkän. Şulay uq käsepçelärneñ dä ber-bersenä birep, tülänmägän aqçaları artqan.
Toraq satular tuqtaldı, arendalarnıñ bäyäse töşä başladı. Xalıq ta bäyäläre töşerelgän azıq-tölek ala başladı. Eksportta da citdi kimü sizelä. Ütkän yıl belän çağıştırğanda yäşelçä, ciläk-cimeş, tekstil, tire, automaşina kebek Törkiäneñ töp eksport towarlarınıñ çit il bazarlarına satıluı urtaça 25 % kimegän. Äytergä kiräk, Törkiä kiläse yılda 42 milliard dollarlıq çit ilgä burçın tülärgä tiyeş. Bolar barsı da ekonomik torğınlıqqa iltüe ixtimal, moña bäyle eşsezlär sanı häm xalıqta rizasızlıq artırğa mömkin.
