Accessibility links

Кайнар хәбәр

Rusiä belän Ukraina gaz nizagında kileşte


Mäskäw - Ukraina premyerı Yulia Tımoşenko belän Rusia premyerı Vladimir Putin arasındagı söyläşülärdän soñ ike taraf gaz bäyäläre turında yaña kileşügä ireşte. Bügen irtä belän kileşü turında jurnalistlär sorawların cäwaplagan citäkçelär Yewropanı uñaysız xäldä qaldırgan nizagnın çişelde,Yewropanı gaz belän tämin itünen tiz arada däwam ittereläçägen açıqladı.

Timoşenko yasagan çığışında: “Barlıq kileşü kägazlarına qul quyı öçen ike taraf arasında urtaq qararga kilü bik awır buldı. Gazprom häm Naftogaz şirkätläre wäkilläläre kiräkle kägazlarnı äzerläde. Kilüşü kägazlarına qul quyılgannan soñ, Yewropaga gaz cibärü eşe tizdän başlanaçaq.” dip äytte.

Gazprom Ukrainaga gaznı Yewropadagı möştärelärenä satqan bäyädä, 1,000 kubometrına 450 dollarga satırga taqdim itkän ide. Bu bäyä uzgan yıl bäyäläre belän çağıştırganda 2 tapqırga qıybatıraq.

Kiçäge söyläşülär waqıtında Rusia şulay itep Ukrainaga gaznı Yewropa bäyälärenä qarağanda 20 % taşlama belän satırga kileşte.

Bu yılgı nizaq säbäple gaznı taşlamalı bäyägä satırga kileşkän Putin, kiläse yıldan başlap Ukraina tulı bäyäne tüliyäçäk dip belderde: “Bez şul uq waqıtta Ukraina belän 2010 yılnıñ 1 gıynwarınnan başlap, ber nindi çıgarma yäisä taşlama kertmiçä gaz satu häm gaz transit bäyälären Yewropa bäyälärenä nigezlänep bilgelärgä kileştek” dide.

XS
SM
MD
LG