Балтас районында Аллаһ һүҙе яҙылған йомортҡа табылды

Ҡорбан ғәйете көнөндә Балтас районында үтә ҡыҙыҡлы ваҡиға булған. Филүс Камалетдинов атлы кешенең бер тауығы һалған йомортҡала Алла һүҙе яҙылған булған. Йомортҡа ғәҙәтиләрҙән айырмалы, тышы шыма түгел, ҡырлы-һырлы була. Уны ентекләп ҡарағанда, был һырҙар ябай түгел, ғәрәп теленән Аллаһ һүҙен уҡырға мөмкин ти күреүселәр. Был турала БСТ каналы яҙып хәбәр итте. Урындағы халыҡ йомортҡаны Юғарынан иғтибар тип белдерә.

Уны урындағы музейға һаҡлауға тапшырғандар.