Күп кар яву Европадагы очышларны әле дә чикли (видео)

Күп кар яву сәбәпле Европа илләрендәге очышларның чикләнүе дәвам итә.

Лондон, Париж, Франкфурт һәм башка шәһәрләрнең һава аланнары күп кенә очышлардан баш тартырга мәҗбүр булды.

Кайбер юлчылар үз очышларын инде өченче көн буе көтә.

Британиядә Һитроу һава аланы эшчәнлеге өчен җаваплы Би-Эй-Эй ширкәте эшчәнлегенә гаепләүләр яңгырый башлады.

Киңкүләм мәгълумат чараларында бу ширкәтнең кар чистарту җиһазлары сатып алу өчен җитәрлек акча бүлмәве турында мәгълуматлар чыкты.