23 мартта Казанның Ирек мәйданында бакчачылар пикет үткәрде. Алар "Ветеран" исемле коммерцияле бакчачылык ширкәте җитәкчесе Алексей Коробковны бакчачыларның 12 миллион сум акчасын үзләштерүдә гаепли. Пикетны оештыручы Шамил Каюмов сүзләренчә, полиция инде җиде ел буе бу кешегә карата тиешле чара күрми. Бакчачылар шикаятьләрен Татарстан президентына тапшырды. Дәүләт шурасы депутаты Хафиз Миргалимов бу мәсьәләнең 29 март утырышында күтәреләчәгенә ышандырды.