19-20 апрельдә Казанда “KITS-2012” халыкара туристлык һәм спорт сәнәгате күргәзмәсе үтте. Чараның максаты – Татарстан халкын Русия, чит илләрдәге ял итү мөмкинлекләре белән таныштыру һәм берүк вакытта чит ил туристларын Татарстанга җәлеп итү, диелде. Быелгы күргәзмәдә Татарстан, Русия һәм кайбер чит илләрдән 200гә якын компания катнашты. Шул исәптән, Татарстанның 15 районы үзләрендәге туристлык мөмкинлекләрен тәкъдим итте.