ФИФА вәкилләре Казанның 2018 елны футбол чемпионатын уздыруга әзерлеген тикшерәчәк

Дүшәмбе Казанга 2018 елны футбол дөнья чемпионатын уздыру өчен шәһәрләрне сайлаучы “Русия-2018” оештыру комитеты белән бергә ФИФА белгечләре киләчәк.

Вәкиллек Казанда һава аланын, төзелүче футбол стадионын, шәһәр үзәген караячак.

Хәзерге вакытта уеннарны уздыруга 13 шәһәр һәм 15 стадион дәгъва кыла. Футбол чемпионатын оештырачак шәһәрләр исемлеге 2012 елның сентябрь азагында билгеле булачак.