18-21 октябрьдә Казанда үтәчәк “Туган телләрне һәм әдәбиятларны саклау һәм үстерү” халыкара фәнни-гамәли форум алдыннан Татар-информ агентлыгында матбугат очрашуы узды. Филология һәм сәнгать институты мөдире Рәдиф Җамалетдинов “Азатлык” хәбәрчесе соравын җаваплап, " Кызганыч, туган телләрне үстерүдә алга кителгән 90нчы еллар артта калды. Ул вакытта тиешле канун һәм норматив актларыбыз бар иде. Әмма 2000нче елларда бу норматив актларга, кануннарга шактый гына үзгәрешләр керде. Хәзер исә ул вакыттагы җиңүләребезне югалттык дип тә әйтә алабыз" диде.