Axelle төркеме егетләре Рәдиф һәм Рүзәл Әхмәдиевләрне без 2011 елда “Кыстыбый” көлке дуэты буларак таныштырган идек. 2012 елда алар татарча рэп укуны дәвам итеп, милли-дини яшьләр чараларын һәм татар дискәтүкләрен алып баручылар буларак ныгыдалар. "Вконтакте" челтәрендә Рәдифнең дуслары дистә меңнәр белән исәпләнелә. Яшьләр чаралары афишаларында еш кына Axelle төркеме егетләрен күрергә була. "Күңел ачу чараларында еш катнашуга карамастан, алга таба да милли рухтагы шигырьләрне көйгә салып укыячакбыз", дип сүз бирде Әхмәдиевләр.