27 март, театр көнендә, Камал театрында театр әһелләренә бирелә торган “Тантана” бүләге ияләрен атадылар. “Тантана” инде өченче тапкыр үткәрелде. 11 төрле номинациясәдә җиңүчеләр билгеләнде. «Иң яхшы хатын-кыз роле” лауреаты дип Кариев театрыннан Энҗе Камалиева аталды. Жюри әгъзалары “Нигез ташлары” спектаклендә башкарган Гөлҗиһан образын лаеклы дип тапканнар. Камалиева бу җиңүне бик хисләнеп каршы алды һәм сәхнәгә шатлана-шатлана йөгереп чыкты.