Бразилиядә 20 июньдә киңкүләм протест чаралары тагын да көчәйде. Башкала Бразилиада дистәләрчә мең кеше Конгресс бинасын чолгап алып тәрәзәләрне ватты, полиция белән бәрелеште. Рио-де-Жанейрода урамнарга 300 меңләп кеше чыкты. Транспорт бәяләре күтәрелүгә каршы башланган протест чаралары хакимияттәге коррупциягә һәм илдә 2014 елгы футбол беренчелеге кебек халыкара спорт чараларының сәламәтлек саклау һәм мәгариф хисабына оештырылуына ризасызлык белдерүгә әверелде.