“Форум нәтиҗәләренә килгәндә, иң элек шуны әйтергә кирәк – “Сәләт” куйган максатларына тулаем иреште. Сыйфат ягыннан да, оештыру ягыннан да. Теләгәннәр өчен семинарлар, татар теле лабораториясе эшләп торды. Белем алу, интеллектуаль уеннар, спорт ярышлары һәм мәдәни конкурсларны бергә кушкан зур чара булды”, дип сөйләде “Сәләт” проектлары җитәкчесе Җәүдәт Сөләйманов. Сөләйманов әйткәнчә, киләчәктә «Сәләт» форумының форматы үзгәрәчәк. «Ул Селигер форматында үсәчәк. Яшьләр бирегә үзләренең төрле әзер проектларын алып килеп, үстереп, биредә аларны яклаячаклар», - ди ул.