9 мартта Украин шагыйре Тарас Шевченко тууга 200 ел тулган көне Акмәчеттә Кырымдагы украин оешмалары шагыйрь һәйкәле янында митинг үткәрде.Митинг Шевченконың туган көне үңаеннан үткәрелсә дә, сүз күбрәк Кырымдагы вазгыять, Русиянең Кырымга агрессиясе хакында барды. Чыгышларда Кырымдагы украин активистлары, "Евромайдан-Кырым" чараларын оештыручылар, "Украин йорты" оешмасы җитәкчесе Андрей Щекун, Анатолий Ковальскийның югалуы, аларның кайда булуларының билгесезлеге, аларның 9 мартта Акмәчет тимер юл вокзалында урланганнары хәбәр ителде.