Кырымның кырымтатарлар күпләп яшәгән өлешләрендә 16 мартта узачак референдумга, Русия гаскәрләренең Кырымга басып керүенә, сугышка протест чаралары узды. Акмәчет читендәге Мамак авылыннан юл буенда протест белдерергә ике меңләп кеше чыкты. Референдумга Русиягә кушылу яки 1992 елгы конституцияне кайтарып Украинада калу турында сораулар чыгарыла. Кырымтатарлар бу референдум канунсыз оештырыла дип аңа бойкот игълан итте.