Президент Рөстәм Миңнеханов җитәкчелегендәге Татарстан рәсмиләре төркеме Төньяк Кореяда очрашулар үткәрде. Пхеньянда Төньяк Корея тышкы сәүдә министры Ли Рён Нам белән очрашуда сүз Корея белән Татарстан арасында икътисади хезмәттәшлек турында барды. Татарстан вәкилләре шулай ук керамик төзелеш материаллары һәм техник майлар җитештерүче ширкәтләр эшчәнлеге белән танышты, Көньяк Кореяга каршы 1950-1953 елгы сугыш музеенда булды һәм Икенче дөнья сугышында Кореяда һәлак булган совет солдатлары һәйкәленә чәчәк бәйләме куйды. [tatarstan.ru видеосы]