1914 елның 28 июнендә Сараевода Босниядәге серб инкыйлабчысы Гаврило Принцип Австрия-Маҗар империясенең тәхет варисы Франц Фердинандны үтерә. Бу үтерүдән соң кызып киткән вакыйгалар агышы бер айдан Беренче дөнья сугышы башлануга китерә. 20 яше тулмаган дип саналган Принципка канун нигезендә үлем җәзамы билгеләү мөмкин булмый. Аны дәүләткә хыянәт һәм үтерү гаепләүләре нигезендә 20 ел төрмә җәзасы билгеләп Прагадан 60 чакрымлап ераклыктагы Терезин төрмәсенә озаталар. Әмма аңа сугыш беткән көннәрне күрү насыйп булмый. Тарихчы Азатлыкка Принципның төрмәдәге тормышы турында сөйләде.