Гыйрак һәм Левант ислам дәүләте дип аталган сугышчан төркем 30 июньдә үзен Ислам дәүләте дип атый башлавын игълан итте һәм Гыйрак белән Сүриянең үз контроленә алган өлешләрендә хәлифәт төзүен белдерде. Шул ук көнне алар Суриянең көнчыгышындагы Ракка шәһәрендә хәрби парад оештырып үзләренең куәтен күрсәтте. Шәһәр буйлап узган хәрби техникага Ислам дәүләтенең кара әләмнәре куелган иде.