Казанның бер ресторанында оештырылган ифтарга утыздан артык журналист чакырылган иде. Чара Коръән укып, мөфтинең кыска вәгазен тыңлап башланды. Вакыт кергәч, бергәләп авыз ачылды һәм ахшам намазы укылды. Ифтар вакытында теләгән һәр журналистка сүз бирелде. Кемдер Татарстандагы дини тормышны бәяләсә, кемдер дин әһелләренә Рамазан аена кагылышлы сораулары белән мөрәҗәгать итте.