Австралия премьер-министры Тони Абботт Украинаның көнчыгышында бәреп төшерелгән Малайзия очкычы фаҗигасен тикшерү өчен халыкара белгечләрне җыярга чакырды. Бүген Австралия телевидениесендә ясаган чыгышында премьер Русиянең бу һәлакәткә реакциясе "кәнәгатьләндерми" дип белдерде. Абботт Русиянең Австралиядәге илчесе Владимир Морозовны аның "Малайзия һава юллары" очкычын Украина көчләре бәреп төшерде", дигән сүзләре өчен тәнкыйтьләп чыкты. Һәлак булган 298 кешенең 27се Австралия ватандашлары иде.