АКШның Миссури штатындагы Фергюсон шәһәрендә полиция 17 августта 400ләп демонтсрациячене куып тарату өчен төтен гранаталары кулланды. 21 меңләп кеше яшәгән бу шәһәрдә протест чаралары бер полиция хезмәткәре 9 августта 18 яшьлек кара тәнле егетне атып үтергәннән соң кабынып китте. Полиция әйтүенчә, кичәге протест җыенында катнашучылар утлы шешәләр аткан. Миссури штаты протестларны бастыру өчен ярдәмгә Милли гвардия хәрбиләрен чакырды.