Прага урамнарында Украина халык депутаты һәм кырымтататар юлбашчысы Мостафа Җәмилев төшкән билбордлар барлыкка килде. Чехия башкаласының кеше күп йөри торган урыннарында эленгән бу такталарда Җәмилевнең Чехия президенты Милош Земанның Кырым оккупациясе белән килешергә чакыруына шелтә белдергән сүзләре дә урын алган. "1968 елда Совет гаскәрләренең Чехословакиягә керүенә ризасызлык белдергәнем өчен мин өч ел төрмәдә утырып чыктым. Хәзер Чехия президенты мине Кырым аннексиясе белән килешергә чакыра", диелгән анда.