Уфада Салават Юлаев проспектында мәчет төзелеше дәвам итә. Әле гыйбадәтханә эченә җылылык үткәрелеп, эчке төзекләндерү эшләре башланган. Ул Русиядә иң биекләренең берсе булыр дип көтелә. Мәчетне салып бетерү өчен якынча 5-6 миллиард сум таләп ителә. Яңа гыйбадәтханә сафка баскач шәһәрдә күмәк намаз кылу мәсьәләсе хәл ителәчәк, дигән фикердә Башкортстанның диния нәзарәте вәкилләре. Ирләрнең намаз залы 1400, хатын-кызларныкы 400 кешегә исәпләнгән.