Акмулла исемендәге Башкортстан дәүләт педагогика университетының җәмәгатьчелек белән бәйләнешләр өчен җаваплы вәкиле Зилия Абулгатина Азатлыкка: "Бүген Акмулла исемендәге Башкортстан дәүләт педагогика университетында Төркиядән студентлар белем ала, әмма Русия белән Төркия арасындагы дәүләтара мөнәсәбәтләр үзгәрү сәбәпле, университетта укучы 31 төрек студенты әти-әниләренең теләге белән безнең университетта белем алуны туктатырга карар итте. Алар вакытыннан алда имтихан тапшыра һәм туган якларына кайтырга җыена" дип белдерде. Университет җитәкчелеге Төркиядән килеп укучыларга Мәскәү белән Анкара арасындагы киеренкелек сәбәпле бернинди басым ясалмый, куркыныч янамый, аларның кайтып китү карары бары тик үзләренә генә бәйле, ди.