Аннексиянең ике еллыгына багышлап әзерләнгән архив видеосы Русия оккупантларының Кырымны ничек басып алуын һәм җирле халыкның ризасызлык белдерүен сурәтли. Бу видеода хәрби тамгалары булмаган кораллы кешеләрнең Акмәчет янындагы А-2320 санлы украин хәрби бүлеген чолгап алуы сурәтләнә. Русия президенты Владимир Путин ул чакта бу кешеләрнең хәрби киемнәрне кибетләрдән үзләре сатып алганлыгын белдерсә, соңрак аларның Русия хәрбиләре булганлыгын рәсми рәвештә таныды.