Муса Җәлил исемендәге татар дәүләт опера һәм балет театры мөдире Рәүфәл Мөхәммәтҗәнов татар йолдызларының әлеге театр сәхнәсендә бик күренмәве турындагы сорауга җавап биреп: “Йолдыз” сүзе белән нәрсәне күз алдында тотасыз? Барлык йолдызларның үз дәрәҗәсе, үз бәясе. Мәсәлән, "Кукуево” авылы дәрәҗәсендәге йолдыз – бер хәл, Казан шәһәре дәрәҗәсе – башка хәл, Русия дәрәҗәсе – өченче вазгыять, әгәр Европа, дөнья дәрәҗәсендә булса – бу бөтенләй башка хәл. “Минем өчен кем йолдыз?”, дип сорасагыз, мин: “Сез профессормы? Үзегезнең шәкертләрегезне күрсәтегез”, диячәкмен. Әгәр күрсәтсә, аның нинди дәрәҗәдәге профессор булуын әйтә алам," диде.