Әлегә бары аттестация сынавы үткәрелде, биш-алты кешедән торган комиссия соңрак карар чыгарырга тиеш, дип белдерде Азатлыкка Татарстан мөфтие урынбасары Рөстәм Хәйруллин. “Әлегә Сәетҗәгъфәр Лотфуллин турында тәгаен карар юк. Аңа бәйле сорауга мин төгәл җавап бирә алмыйм”, диде ул. Аның әйтүенчә, бу хәл Лотфуллинның Болгарда төшерелгән Резеда Ганиуллина клибын тәнкыйтьләп җәнҗал чыгаруы белән бәйле түгел.