Accessibility links

Кайнар хәбәр

кыскасы

АКШның яңа президенты Дональд Трамп вазифага керешү уңаеннан шимбә көн Американың эре шәһәрләрендә протест чаралары үтте. "Хатын-кыз маршы" дип аталган чарада Ваштнгтонда гына 500 меңләп кеше катнашты. Шундый ук чаралар дөньяның башка эре шәһәрләрендә дә узды. Азатлык иң кызыклы мизгелләрне җанлы блог рәвешендә тәкъдим итте.

Шуның белән Америка һәм дөньяның башка илләрендә АКШның яңа президенты Дональд Трампка каршы оештырылган хатын-кыз маршларыннан җанлы блогны тәмамлыйбыз. Игътибарыгыз өчен рәхмәт. Азатлыктан аерылмагыз!

Вашингтон чарасында катнашучылар арасынада Казан кызы да булган..

Бүгенге вакыйгаларның төп сәбәпчесе булган Дональд Трамп бүген АКШ Үзәк күзләү идарәсенең баш фатирына килде. Ул Вашингтондагы хатын-кызлар маршын беркайда да телгә алмаганга охшый. Associated Press хәбәр итүенчә, ул медианы үзенең кичәге инаугурациясен карарга килүчеләр санын киметеп күрсәтүдә гаепләгән.

Чарада җырчы Мадонна чыгыш ясады, "мәхәббәт инкыйлабына" өндәде, Трампның җиңүен "карангылыкның котычкыч мизгеле" дип атады. "Бу сайлауда яхшылык җиңмәде, ләкин ахыр чиктә ул җиңәчәк" диде ул.. Мадонна чыгышында сүгенү сүзләре дә кулланды, ТВ каналлары тавышны сүндереп торырга мәҗбүр булды..

Хатын-кыз маршлары Вашингтонда гына түгел, Американың күп кенә башка эре шәһәрләрендә һәм шулай ук, дөньяның төрле илләрендә үтте.

Вашингтондагы чарада 500 меңләп кеше катнаша дип хәбәр ителә. Башта анда 200 меңләп кеше катнашыр дип көтелгән иде. Бу сурәткә караганда, анда Трамп инаугурациясенә караганда да күбрәк кеше килгән..

"Америкадагы хаосны төшерергә Кремль телевидениесе дә килгән", дип хәбәр итә Foreign Policy колумнисты @Jjulia Ioffe

Вашингтон чарасында чыгыш ясаучылар исемлеген монда табып була. Аларның күбесе хатын-кызлар, ләкин араларында, мисал өчен, танылган режиссер, Дональд Трампның каты тәнкыйтьчесе, аның җиңәчәген алдан фаразлаган Майкл Мур да бар.

Майкл Мур үзенең чыгышында хакимияткә демократик ысуллар белән басым ясарга чакырды: Конгресстагы вәкилегезгә көн саен шалтыратыгыз, моны көндәлек шөгылегез итегез, шул чакта алар киләсе тапкыр кайсы яктан китереп тибәселәрен белмәячәк..

дәвам

XS
SM
MD
LG