Коткаручылар Иранның Гөлистан виләятендәге шахтада шартлау нәтиҗәсендә һәлак булган 35 шахтер мәетен чыгарды.
"Кызганыч ки, җимерекләр астында калган барлык шахтерлар да һәлак булган", дип белдерде Иранның хезмәт һәм социаль тәэминат министры Али Рабии "Әл-Җәзирә" телеканалына.
Кызыл ярымай оешмасының Иран бүлеге коткаручылары җитәкчесе Шахин Фати сүзләренчә, алты кеше коткарылган, алар яралы.
Земестан-Юрт шахтасында шартау 3 майда булды. Шартлауга метан газы җыелу сәбәп булырга мөмкин, диелә.
Каза вакытында җир астында 500ләп кеше булган.
