Бу хакта Азатлыкка Уфадан Канадага күчеп киткән Ләйсән Харисова хәбәр итте. Кичәдә җиде гаилә катнашкан. Торонтодан гына түгел, Канаданың Лондон дигән кечкенә шәһәреннән дә килүчеләр булган.
Бзйрәмдә балалар өчен туган тел дәресе, шаян уеннар һәм ярышлар уздырылган. Күмәк кичке аш та оештырылган.
Торонтода татар гаиләләре ана телен балаларга да өйрәтергә тырыша. Ләйсән Харисова үзе шәһәрдә татар теле дәресләре дә алып барды. Ул Youtube сайтында татарча яздырылган аудиоәкиятләр авторы да.
Моннан тыш, Торонто да ел саен Сабантуй да уздырыла.
Канаданың Монреаль шәһәрендә дә татарлар яши. Былтыр анда беренче тапкыр Сәләт-Монреаль аланы узды.
