Татарстан премьер-министры Алексей Песошин 2019 елда дәүләт балалар бакчаларына түләүне арттыру турында карар имзалады. 3-7 яшьлек балага көненә 10,5 сәгатьлек бакчаның айлык түләве уртача 1696 сум булачак. Быелгы бәя 1572 сум. 1-3 яшьлек балага айлык түләү 1832 сум (хәзер 1698 сум). Бер яше тулмаган балага аена 2940 сум түләргә кирәк булачак (хәзер 2725 сум). Бәяләр якынча 8% арта дигән сүз. Бу ел бәяләрне 4% күтәргәннәр иде. Азатлык балаларын бакчага бирүче ата-аналардан бәя арту турында белү-белмәүләрен, балалар бакчасыннан ни дәрәҗәдә канәгать булуларын сорашты.