Accessibility links

Кайнар хәбәр

Казанда галим Әгъдәс Борһанов белән хушлаштылар


Галим Әгъдәс Борһанов Арча зиратында җирләнде

11 ноябрь Казанда галим Әгъдәс Борһановны соңгы юлга озаттылар. Хушлашырга килүчеләр аны кыю йөрәкле галим, Татарстан кешеләре кузгата алмаган бик күп проблемнарны чишү юлларын эзләде, дип сөйләде. Атнакич Мәскәүдә 98 яшендә вафат булган Әгъдәс Борһанов Казанның Арча зиратында җирләнде.

Җеназада чыгыш ясаган галимә Венера Мушарова, Әгъдәс Борһанов –олуг шәхес, олуг акыл иясе, аңа бу сыйфатлар бабасының бабасы –күренекле татар әдибе, XVII гасырда иҗат иткән Мәүлә Колыйдан күчкән, дип сөйләде. Әгъдәс абый кыю йөрәкле галим иде, Татарстан кешеләре үзләре дә кузгата алмаган бик күп проблемнарны чишү юлларын эзләде, диде галимә.

Казанда Әгъдәс Борһанов белән хушлаштылар
please wait

No media source currently available

0:00 0:03:02 0:00

Тарих фәннәре докторы, профессор Әгъдәс Борһанов атнакич Мәскәүдә 98 яшендә вафат булды.

Әгъдәс Борһанов 1920 елда Татарстанда туган. Икенче дөнья сугышында катнашкан. Тарих фәннәре докторы, озак еллар Русия дәүләт һуманитар университеты профессоры булды.

Арча зиратында Әгъдәс Борһанов белән хушлашуда кызы Лариса һәм тормыш иптәше Алиса Константинова (у)
Арча зиратында Әгъдәс Борһанов белән хушлашуда кызы Лариса һәм тормыш иптәше Алиса Константинова (у)

Аңа кадәр Таҗик дәүләт университетында, Казан дәүләт университетында, Мәскәү сивил авиация инженерлары институтында һәм башка уку йортларында эшләде. Татарстан фәнәр академиясенең мактаулы академигы булды.

Ул тарих, социаль фәлсәфә, глобаль үсеш проблемнарын өйрәнде, әлеге темаларга дистәләгән монография һәм фәнни мәкаләләр язды.

Борһанов шулай ук татар милли хәрәкәте мәсьәләләре турында да мәкаләләр язды. Ул милли идея буларак милләтнең үз-үзен саклау концепциясен тәкъдим итте. Аның нигезендә татарларга физик һәм акыл эшеннән эшмәкәрлеккә күчүдә ярдәм итү максатын алга сөргән милли капитал булдыру идеясе ята иде.

Галим Русия думасына милли азчылыклар канун өлгесен әзерләүчеләр арасында да булды.

Азатлыкта Әгъдас Борһановның 2012 елда Дөнья татар конгрессының V корылтаенда ясаган чыгышы видеосы саклана.

Әгъдәс Борһанов: "Күп сөйләшеп милләтне югалтып барабыз"
please wait

No media source currently available

0:00 0:00:33 0:00

Ул анда корылтайдагы чыгышларга бәя биргән иде. "Ринат Закировның һәм башкаларның чыгышларын тыңласаң, барысы да матур, дөрес кебек. Ләкин ура-ватанпәрвәрлек белән, әле яшибез, моны эшләдек, тегене эшләдек дип күп сүз сөйләп без милләтне югалтып барабыз", дип чыгыш ясады ул.

фикер әйт

фикерләрне күрсәт

XS
SM
MD
LG