Accessibility links

Кайнар хәбәр

Грузия парламенты рәисе вазифасыннан китә


Ираклий Кобахидзе

Оппозициянең киң протест чаралары нәтиҗәсендә Грузия парламенты рәисе вазифасыннан китә. Бу – протестчыларның таләпләренең берсе иде.

Грузия парламенты рәисе Ираклий Кобахидзе вазифасыннан китә. Бу хакта "Грузия хыялы – Демократик Грузия" фиркасенең сәркатибе, Тбилиси мэры Каха Каладзе игълан итте. Ул шулай ук митингтагы тәртипсезлекләрдә "җавапсыз, деструктив көчләр"не гаепләде һәм аларның канун һәм җәмгыять алдында җавап бирергә тиешлеген белдерде.

Кобахидзеның эштән китүе – 20 июнь Тбилисида узган зур күләмле протест чарасының бер таләбе иде. Урам җыенында шулай ук Грузия Эчке эшләр министры һәм Иминлек хезмәте җитәкчесенең эштән китүе таләп ителде.

Грузия башкаласында протест чаралары башлануга төп сәбәп итеп Русия думасы депутаты Сергей Гавриловның Грузия парламентында спикер кәнәфиендә утырып урыс телендә чыгыш ясавы атала. Урам чарасында катнашучыларның бер өлеше Грузия парламенты бинасына бәреп керде, аларны аннан полиция кысрыклап чыгарды. Полиция парламент каршында җыелган меңнәрчә кешене махсус чаралар кулланып таратты.

21 июньгә каршы төндә бер төркем протестчы Грузиянең хакимияттәге "Грузия хыялы – Демократик Грузия" фиркасенең штаб-фатирын җимергән. Демонстрантлар фирка туграсы төшкән байракларны яндырган, дип хәбәр итә Грузиянең Беренче каналы.

фикерләр (2)

бу форум ябык
XS
SM
MD
LG