Accessibility links

Кайнар хәбәр

Фәрит Хәнифов Татарстан төзелеш министры итеп билгеләнде


Фәрит Хәнифов

Фәрит Хәнифов моңа кадәр Татарстан төзелеш министрының беренче урынбасары, республика президенты ярдәмчесе булган иде.

Татарстан президенты Рөстәм Миңнеханов Фәрит Хәнифовны Татарстанның төзелеш, архитектура һәм торак-коммуналь хуҗалык министры итеп билгеләде. Бу хакта Татарстанның рәсми порталында хәбәр ителә.

Фәрит Хәнифов Казан инженер-төзелеш институтын тәмамлаган. Төрле елларда Алабугада төзелеш оешмаларында, Алабуга районы идарәсендә эшләгән, район һәм шәһәр башлыгы урынбасары булган. 2015-2015 елларда Татарстан төзелеш министрының беренче урынбасары итеп билгеләнә. 2015-2017 елларда Татарстан президенты ярдәмчесе була. 2017 елның февраленнән "Главгосэкспертиза России" оешмасының Казан филиалы җитәкчесе булып эшли.

Моңа кадәр Татарстанның төзелеш министры булган Ирек Фәйзуллин Русия төзелеш һәм торак-коммуналь хуҗалык министрының беренче урынбасары вазифасына алынды.

фикерләр (1)

XS
SM
MD
LG