Мәскәү дәүләт университеты аспиранты Азат Мифтаховны сәяси нәфрәт нигезендә "Бердәм Русия" офисына һөҗүм итүдә гаеплиләр. Мифтаховны 2019 елның 1 февралендә Мәскәү янында тоткарладылар. Аны сак астында тоту вакытын тагын озайттылар һәм хәзер ул 2020 елның 7 апреленә кадәр сак астында кала. Мифтахов үзенең гаепсез булуын белдерә һәм аңа карата җинаять эшенең ялганга нигезләнгән булуын әйтә. "Мемориал" хокук яклап үзәге Аны сәяси тоткын дип таныды. Азатлык хәбәрчесе Азат Мифтахов белән 2020 елның 3 мартында Мәскәүдәге Беренче аппеляция мәхкәмәсендә әңгәмә корды.